Surek untuak pacar anak gadih den

Surek untuak pacar anak gadih den

Untuak pacar anak  gadih den,

Peraturan 1:

Kalau ang sampai di muko pintu paga rumah den, sudah tu nio klakson-klakson, pastian ang bao barang untuak diantaan ka den, sabab ang ndak kan  jampuik apo-apo atau sia-sia.

Peraturan 2:

Jan ang pacik-pacik anak den di muko atau di belakang den.  Ang buliah mamandang, salamo mato ang ndak marayau-marayau ka arah bawah lihia anak den. Kalau ang ndak bisa jago tangan ang untuak ndak mamacik anak den, den bisa tolong cabuik tangan ang tu den tolong simpanan di rumah.

Peraturan 3:

Den tau kini banyak gaya-gaya anak-anak yang pakai sarawa jins yang nampak-nampak boxer atau celana dalam tu. Aden ko open minded, jadi den ndak kan manyuruah-nyuruah ang pakai sarawa ang elok-elok bantuak manusia normal. Tapi tolong pastikan sarawa ang ndak tabukak atau dibukak salamo pai kencan jo anak gadih den, kalau ang ndak bisa memastikan tu, den bisa tolong pakaikan stapler gun yang ado dalam laci den untuak malakek an sarawa ang ka pinggang.

Peraturan 4:

Den raso ang tau kampanye seks aman yang urang-urang bule tu buek di TV atau internet. Kalau ang ndak pakai palinduang atau kondom tu, ang kan kanai panyakik atau semacamnyo yang bisa mambunuah ang. Siko den agiah tau ang ciek, kalau jo anak gadih den, den lah palinduang nyo tu. Kalau ang barani mangacau anak den, sebagai palinduang, aden yang kan mandatangkan sakik ka badan ang atau kemungkinan besar den akan mambunuah ang sakali. PAHAM?

Peraturan 5:

Biasonyo kalau ang nio kenal dakek jo keluarga den, rancak ang kenalan jo den sebagai calon mintuo ang. Ang nio cito tentang politik, olahraga, atau topik aktual kini, aden ndak peduli tu do. Cie topik yang nio den danga dari ang, bilo ang nio maantaan anak gadih den baliak? Dan ciek jawaban yang nio den danga dari ang: sacapeknyo.

Peraturan 6:

Aden raso ang ko lai gagah nyo, terkenal di kantua atau di kampus ang, banyak anak gadih rancak-rancak yang lain yang nio jo ang. Den ndak ado masalah jo kelebihan ang tu do, salamo anak gadih den ndak  mempamasalahkan itu. Tapi sakali ang lah bapacar jo anak den, jan pernah sakali-sakali ang pai mancari anak gadih lain sabalum anak den suntuak atau putuih jo ang. Sakali ang buek anak den manangih, aden lo yang akan mambuek ang manangih.

Peraturan 7:

Samantaro ang manunggu anak den bakameh mamasang badak atau parfum, jan ang marepet atau mangeluh inyo lamo bana. Kalau ang nio urang yang tapek waktu, pai lah ang bacewek jo tentara kien. Kalau ang bosan manunggu di lua tu, ang cari lah karajo yang patuik lu samantaro anak den basiap, bantuak manyuci oto den atau mancat paga rumah den gai.

Peraturan 8:

Tampek-tampek ko dilarang untuak ang pai bakencan jo anak den: tampek yang ado kasua, sofa, rumpuik-rumpuik, atau tampek-tampek lain yang bisa untuk duduak-duduak atau bariang-bariang, tampek yang ndak ado urang tuo, tampek yang ndak ado polisi, atau ustadz, tampek gelap, tampek yang sepi, atau tampek-tampek ramai urang manyayi-nyayi manari jo bapengan-pegang tangan, tampek yang angek sampai mambuek anak den harus buka baju atau pakai baju pendek ndak balangan, tampek yang terlalu dingin sapai buek anak deng kadinginan  dan harus diangekan dek ang. Jan skali-sakali ang baok nyo paki manonton pilem romantis yang ado adegan cium atau paluak nyo. Kalau pai manonton pilem tentang siksa kubur ata hari kiamat, baru den izinan.

Peraturan 9:

Jan sakali-sakali ang manipu den. Aden nampaknyo se yang alah gaek nyo, paruik buncik, kapalo ampia botak. Tapi aden akan tau sagalo pakaro tentang ang jo anak gadih den dari mata-mata den. Ka pai kama kalian, jo sia kalian ka pai, kalau den tanyo tentang tu tolong ang jawek batua-batua, aden ndak nio ang manjawek apo-apo selain kejujuran se. Aden ado senapan angin, ado cangkua, ladiang, jo tanah limo hektar nan panuah jo batang-batang pohon gadang. Selalu den manembak jo baburu babi ka situ. Kalau den tembak kapalo ang di situ, ndak ado yang kan tanyo tu do. Jadi jan ang main-main jo den.

Peraturan 10:

Ang harusnyo takuik ka den. Kalau ang lah baliak dari kencan, kalua dari oto ang, angkek tangan ang duo-duo ka ateh, kecek an kalau ang nio maantaan anak gadih den. Kecekan jaleh-jaleh. Sudah tu pai lah baliak lai, ndak usah sok-sok ramah pai masuak rumah den untuak minum teh. Kalau ang ado nampak silau dari arah jendela rumah den, asal ang tau, tu taropong senapan sniper den tu. Patuik ang jauah-jauah sabalun den buek headshot di kalapo ang.

Wassalam,

Apaknyo pacar ang yang ditakuti.